رواية<>إحساس ونواف

إحساس ونواف1


"إحساس" بنت في قمة الروعة والجمال والأدب عايشه في اوروبا... عمرها 21 سنة تشتغل في روضة أطفال ..تعاني مشاكل مع أهلها،فقررت إنها تبتعد عنهم عشان يرتاحون،وعاشت أيام كلها ألم وهي بعيدة عن أهلها اللي ما يسألون عنها حية ولاميته إلا بعض أصدقاءها يعرفون عن حياتها ..تحب "إحساس" منظر الغروب وتحبه لأنه من جمال الطبيعة،وكانت لما تحس بضيقة تروح للبحر لأن هو الوحيد اللي يسكت ويسمعها ..وفي يوم من الأيام أنتبه واحد اسمه "نواف" على "إحساس" إنها تقعد كل يوم عند البحر لأنه كل أسبوع أو أسبوعين يمر ويلقاها هي نفسها فقرر إنه يراقبها ويشوف هــ الإنسانة شنو تسوي!! وفي اليوم اللي قرر فيه "نواف" انه يراقبها ..كانت "إحساس" متضايقة لأنها سمعت خبر وفاة أبوها والسبب أختها "أشواك" وأمها اللي كانت تحرضهم على أبوهم ،"أشواك" أخت "إحساس"كانت تعامل أبوها أسوأ معاملة..عكس "إحساس" وأخوها "فيصل" اللي كانوا حاطين أبوهم في عينهم..ما تحملت "إحساس" حياتها اللي كلها مشاكل ورحلت وسمعت بعدها بوفاة أبوها بسبب الضغط لما ارتفع عليه وتوفى على طول ..وهي تدري إن السبب "أمها وأشواك" ، كانت "إحساس" في هذا اليوم تصيح ونواف يراقبها من بعيد وشايفها منزلة راسة ومبين إنها تصيح. وكان يبي يعرف شنو فيها؟؟<<>> بس ماله خص



تبدأ الأحداث

قامت "إحساس" عشان تروح شقتها لأن الوقت تأخر وفي طريقها حست بدوخة





وأغمى عليها شافها "نواف" وراح لها يركض وأول ما شاف وجهها وملامحها أنعجب فيها..تأمل وقال بداخلة ماشاءالله..وقال :هذا مو وقته يا نواف..وخذاها وداها المستشفى واكشفوا عليها ،وبعد الكشف طلع الدكتور "لنواف" وشافه يحاتي "إحساس"



قال نواف: دكتور طمني شفيها؟؟

الدكتور:أنت زوجها؟؟

نواف:ها!!......أي نعم!!

الدكتور:مرتك تتعالج عند دكتور نفسي شفت ملفها وخذت الرقم بس حاليا هو مو موجود أنا اتصلت فيه وقال لنا في التلفون إن أي شي يضايقها ممكن يغمى عليها وممكن الشيء اللي يضايقها بعد مرة وما تتحملة يصير لها انهيار عصبي ..أتمنى أنك تحافظ عليها



حزن" نواف"



الدكتور: والشي الثاني اللي خلاها يغمى عليها إن فيها فقر دم لازم حد يتبرع لها!

نواف:ليش؟؟

الدكتور:الظاهر إنها ما تأكل وشكلك مو مهتم فيها

نواف:...دكتور أقدر أتبرع لها ؟؟

الدكتور:إذا كان دمك يصلح لها يعني نفس النوع..تعال معاي بنسوي لك تحليل وإذا كان مناسب راح نأخذ منك ..



وبعد التحليل طلع دم "نواف" يصلح لــ "إحساس" وتبرع لها

وبعدها سأل "نواف"الدكتور: متى أقدر أخذها؟؟

الدكتور:راح تظل عندنا لين ما تصير حالتها أحسن بس إن شاء الله تقدر تأخذها بعد أسبوع..

نواف :مشكور .. بس ممكن أعرف وين مكان الدكتور اللي مرتي تتعالج عنده؟؟

الدكتور:والله مادري هو عنده أجازه حاليا بس تقدر تروح الأستقبال وبيطلعون لك ملفها وكل التفاصيل أنا طلعت رقم الدكتور من ملفها وعرفت من ملفها إنها تعاني من حالة نفسية..

نواف:تسلم..عن أذنك



راح "نواف" الاستقبال وسألهم..

قالوا له آسفين ما نقدر نعطيك لازم تنتظر الدكتور لما يرجع وراح نكلمك

وسجل رقمه عندهم



بعدها راح لــ إحساس وقعد عندها وفجأة رن جوالها خذاه وشاف مكتوب (مشاعر يتصل بك) طبعا ما حب يرد ويكون ملقوف بس الرنة طولت فـ اضطر إنه يرد وأول مارد



مشاعر:ألو إحساس وينج ليش ما تردين خرعتيني عليج ..

وهو يقول حشا بالعة راديو طبعا في قلبه



رد عليها وقال:أختي هدي شوي

مشاعر:من أنت..

أنا واحد بس مو مهم اللي تبينها صاحبة الجوال في مستشفى الصحة الطابق الثالث غرفة رقم 114

مشاعر:شنو!! أنا الحين جايه وسكرت و10دقايق إلا هي عندهم دخلت عليهم وهي تصيح وتبوس رأس "إحساس" ويوم شافها "نواف" متخرعه



قال لها:لو سمحتي شوي شوي على البنت تراها تعبانه

قالت مشاعر: أنت شتبي

قال لها: أنتِ لو تهدين شوي وتخليني أتكلم

قالت: أوكي

قال:تعالي نطلع بره الغرفة..



وطلعت وقال لها أنا نواف

وقال السالفة كلها وهي حزينه على احساس



وتقول:ما غيرهم أهلها اللي مو مخلينها في حالها

أستغرب نواف وقال لها:شنو سالفتها؟؟

قالت له: خلنا نروح كافيتريا المستشفى لأن السالفة طويلة



أقعدوا في الكفيتريا ،



وقال نواف لمشاعر:يلا ابتدي

قالت مشاعر:الله يسلمك "إحساس" تعرفت عليها من سنة تقريبا..

قال نواف:إحساس ومشاعر خوش أسامي

مشاعر:ههههه...خلني أكمل

نواف:أي أوكي تفضلي

مشاعر:الله يسلمك يا نواف إحساس معاي في الدوام عمرها 21 سنة

نواف:اممممم يعني أنا أكبر منها ب5سنوات

مشاعر:!!أنت ليش تقاطعني؟

نواف: خلاص كملي آسف

مشاعر:المهم هي وياي بالدوام ومن الشغل تعرفت عليها

نواف: كح كح ممكن سؤال

مشاعر: والله مادري أضحك ولا أعصب على حركاتك !!تفضل؟

نواف:وين تشتغل إحساس؟؟

مشاعر: أنا وياها في روضة أطفال

نواف:أوكي كملي

مشاعر: إحساس إنسانه حبوبه وطيبه عايشه بروحها في شقة

نواف :وين أهلها ؟؟

مشاعر:!!!!!!!!!!!....أهلها دوم يتمشكلون وياها ماعدا أبوها الله يرحمه اليوم توفى .

نواف:لا حول ولا قوة إلا بالله

مشاعر:خلني أكمل..المهم أتوقع إن الحالة النفسية اللي فيها من أهلها وأغمى عليها لأن أبوها توفى ولأنها تحبه وهو الوحيد اللي كان يحن عليها وتقولي "إحساس" إنه دوم يلعب في شعرها لما كانت عايشه وياهم بس ابتعدت وافتقدت حنانه بس كانت تشوفه بين فتره وفتره بدون محد يدري ..



نواف:والله إنها مسكينة الله يعينها على ما بلاها

مشاعر: أي والله شسوي بعد....المهم هذي كل السالفه

نواف:الله يعينها

مشاعر:طيب تشرفت بمعرفتك ومشكور على اللي سويته اليوم

نواف:لا شكر على واجب

مشاعر:أنا رايحة لها الغرفة وأنت تقدر ترجع البيت ترتاح

نواف:لا حلفت عليج تروحين بيتج بكرة عندج دوام بس أنا عندي إجازة وبحط "إحساس" في عيوني الثنتين

مشاعر:تسلم والله بس مايصير شيقولون العالم

نواف:إحساس مثل اختي لاتحاتين والدكتور عباله اني زوجها

مشاعر:خلاص اوكي..إذا في شي هذا رقم جوالي ..اتصلي..يلا توصيني بشي؟؟

نواف :تسلمين ... الله وياج



راحت مشاعر وراح "نواف"غرفة "إحساس" وقعد يتأمل في جمالها وفي قصتها اللي ضايقتة ..بعدها وهو يتأمل في عيونها وجمالها اللي ما شاف له مثيل غفت عيونه..وفجأة سمع صوت ناعم ورقيق يقول:أبي أبوي وفتح عيونه وشاف "إحساس" تتألم وتقول:أبي أشوف أبوي ودموعها بكل رقة تنزل من عيونها

فــ تـذكر كلام "مشاعر" إن أبوها كان يلعب في شعرها الين ما تنام..فمسح دموع "إحساس" وقعد يمسح بيده على شعرها الين ما هدت ونامت ولما طلع الصبح جه الدكتور وشاف "نواف" نايم على حضن "إحساس"
وقال في قلبه: هذا الحب ولا بلاش<< ما يدري عن شي
سمع "نواف" صوت احد في الغرفه..وقام مفزوع

يتبع...

إحساس ونواف2

ههه سمع "نواف" صوت احد في الغرفه..وقام مفزوع


وبعد ماشفت الدكتور حط يده على ويهه كأنه يقول الله يهداك دق الباب قبل

قال الدكتور: آسف على الإزعاج بس مرتك حالتها مراح تسمح لها تأكل فــ لازم نحط لها مغذي.
نواف:أكيد,اللي فيه مصلحتها أنا موافق عليه
قال الدكتور للممرضة:تجيب المغذي وتحطه لها.

وبعد ما تطمن "نواف" على "إحساس" كلم "مشاعر" وطمنها

وقال لها: أنا بروح البيت بريح شوي وبرجع لها الساعة4:00 أوكي
قالت له مشاعر:خلاص أوكي أنا بطلع من الدوام الساعة 10 وبروح لها لين ما ترجع أنت.
نواف:خلاص أوكي ديري بالج عليها

رجع "نواف" البيت وسلم على امه
امه:وين كنت يمه
نواف:في وحده اغمى عليها وديتها المستشفى وتميت معاها
امه:الله يجزاك خير بس شلون يعني شصار بالضبط؟

وقال لها السالفه

ووبعدها دخل غرفته وظل يفكر في "إحساس" وحاول ينام لكن صورتها ملازمته فــ حس "نواف" إنه حبها,

وقال في خاطرة:هذي هي الإنسانة اللي أبيها ..


راحت مشاعر المستشفى وقعدت احذى احساس


على أذان العصر قعد نواف وصلى والساعة 4:00 كان عند "إحساس" بالمستشفى ..

شافته "مشاعر"

وقالت : ما شاء الله عليك عند كلمتك الساعة 4:00 بالضبط
نواف:ههههه أنا كلمتي وحده وأكون قدها
مشاعر : شي حلو
نواف:أنا بروح للدكتور بشوف شخبار "إحساس" ومتى بيطلعونها
مشاعر:أوكي..بس أنا رايحة الحين لأني شوي مشغولة
نواف: ولا يهمج إحساس في عيوني
مشاعر:تسلم

راحت"مشاعر"وراح نواف للدكتور يسأل عن "إحساس"

قاله الدكتور إن حالتها بدت تتحسن بس بعد ما أنت رحت قالت: أبي أبوي أمس جاني يلعب في شعري صدقوني وتصيح ؟؟ ... إحنا حاسين إن حالتها أحيانا تكون زينه وأحيانا تخرف شوي!!

قال نواف : لا لا لا يا دكتور "إحساس" ما تخرف أمس بليل أنا يوم كنت عندها كانت تقول أبي أبوي وتذكرت كلام.. كح كح<<يضيع الموضوع عشان ما ينصاد انه مو زوجها
المهم هديتها مثل ماكان يسوي ابوها معاها

قال عيل تحسبك أبوها ؟؟
نواف : الظاهر


{طق طق طق}


الدكتور:أدخل
الممرضة:المريضة إحساس مو راضيه تهدى تبي أبوها!! نهديها شلون يادكتور؟؟نعطيها أبره؟؟
الدكتور : لا.. أنا الحين جاي
الممرضة: أوكي


نواف متخرع يــبي يروح لها..

فقال له الدكتور: أبيك تسوي لها مثل ما سويت لها أمس وراح "نواف" لها الغرفة وطلع كل الممرضين اللي يحاولون يهدونها وقعد "نواف" حذها على السرير وضمته على طول..ومسح على شعرها ..هدت ونامت على طول وأول ما شافها "نواف" نامت حطها على السرير عشان يروح يطمن الدكتور إنها نامت قامت "إحساس" وتنادي "نواف" وتقول له يـبا!! وتصيح وهي طبعا مو مركزه ولاحاسه بشي غير إنها محتاجه حنان أبوها..
راح لها نواف وقال : أنا موجود قامت من سريرها والمغذي في يدها وضمته بالحيل ،يحاول نواف انه ينيمها على السرير لكنها مو راضيه تخليه ونامت على كتفه وهو طبعا ما قدر يخليها لأنها بتقوم مره ثانيه وتناديه ..
فظل ألين ما حس إنها تعمقت في النوم وحتى بعد ما حس إنها نامت حاس إنها متمسكة فيه..

دخل الدكتور عليهم:وأبتسم
قال نواف للدكتور: أششششش واشر له بيده عشان يطلع
وحرك الدكتور رأسه وطلع

وشل "نواف" يد "إحساس" شوي شوي وحطها على السرير وغطاها وطلع للدكتور وقاله كل اللي صار

قال الدكتور هذي الإنسانة محتاجة حنان وما شاء الله عليك تعرف لمرتك الله يخلي لك أياها إن شاء الله
أبتسم"نواف" ودخل الغرفة وقعد يناظرها .

وبعد مرور5 أيام طلعت "إحساس" من المستشفى وفي هذا اليوم تعرفت "إحساس" على "نواف" عن طريق كلام "مشاعر"وعن كل شي صار بينهم ، وطبعا عرفت "إحساس" بالحالة اللي كانت تجيها وتضم فيها "نواف" وهي ضانة إنه أبوها وصارت ما تقدر تحط عينها بعين "نواف"

وهم يجهزون ملابسها عشان ترجع البيت دخل الدكتور وقال لنواف: ما وصيك على "إحساس" والله يوفقكم وإن شاء الله ألاقيها في المستشفى مره ثانيه بس مو مريضة لا..تكون جايبة نونو صغير..

في هاللحظة "إحساس" طاح ويهها سابع أرض ويوم رجع ويهها مالقت عيونها عشان أطالع الدكتور و"نواف" و"مشاعر" حابسة ضحكتها <<<سوسه

رد عليه "نواف" وهو يبتسم ومنحرج: إن شاء الله وتسلم على كل شي سويته معانا ماقصرت
الدكتور: العفو وهذا واجبي

وبعد مالقت "إحساس" عيونها صارت أطالع "نواف" بطرف عينها وهو يبتسم وطبعا عارف السبب ..

راحت "مشاعر" بيتها عشان ما تتأخر على أمها وخذ "نواف" "إحساس" عشان يوصلها لبيتها ... وفي الطريق
يعطيها نصايح

ويقول : تنامين عدل
إحساس : إن شاء الله
نواف: تأكلين أكل صحي ومفيد،وما طوفين أي وجبة
إحساس : إن شاء الله
نواف: والدوا تاخذين حبه الصبح وحبه بليل
إحساس:إن شاء الله
وهي تقول في قلبها متى صرت بنته!!

نواف: ترا أعرف شنو تفكرين فيه الحين مبين من تعابير ويهج
ارتبكت إحساس..قالت : شنو؟؟؟؟
قال: نصايحي باطه جبدج..
إحساس :لا بالعكس
وتقول في قلبها الحمد لله ما عرف بالضبط
بس بعد مستانسه ..في أحد مهتم فيها وفي صحتها

وبعد ما وصلت البيت
قالت له وهي نازلة : تحمل بروحك
بدون ما تقصد أطلعت منها عشوائي
أبتسم "نواف" وهو مستانس : إن شاء الله



وأول ما راحت عشان تفتح باب شقتها إلا تسمع صوت ورآها قام قلبها يضرب الباب ويرجع ..
وأول ما لفت تخرعت وطلع "نواف" ويوم شافها تخرعت

قال لها : سملا عليج أنا أسف ما قصدت
إحساس:لا.......لا..عادي ما تخرعت ولاشي بس...بس كنت أبي أخرعك على بالي حرامي
قام "نواف" يضحك ضحك
وهي أطالعه
وقال: أنتي تخرعين؟؟؟؟؟؟؟أنتي بتذوبين الحرامي بتخلينة يدوخ
إحساس:كح كح<<<يعني حاسب شوي
نواف:المهم أبي رقمج عشان أتطمن عليج ممكن؟؟
إحساس : طبعا
وعطته رقمها وراح



وأول ما دخلت الشقة راحت تركض صوب الدريشة تبي أطالع "نواف" ويوم شافته راح قالت شفيني ليش رحت متلهفة أطالعه؟!
وظلت تفكر فيه وهو مثل الشي ولما وصل "نواف" البيت و"إحساس" تفكر فيه رن تلفون غرفتها
وفزت فزات غافل لامس النار بيده ..
وردت
ألو
نواف :السلام عليكم ورحمة الله وبركاته
إحساس:وعليكم السلام ورحمة الله وبركاته
نواف:أخبارج ؟؟
إحساس: طيبه وأنت شخبارك..؟؟
نواف:بخير دامج بخير ها تعشيتي
أحساس:لا بعد شوي بتعشى
نواف:لاتنسين دواج
إحساس :إن شاء الله
نواف :عفيه عليج
إحساس: حابه أشكرك على اللي سويته معاي..
نواف:شسويت؟؟
إحساس: وديتني المستشفى وظليت معاي
نواف: اها .. لا عادي .. في الخدمة
إحساس:تسلم
نواف: طيب أسف على الإزعاج بس حبيت اتطمن عليج
إحساس: لا عادي ولا إزعاج ولا شي ومشكور على السؤال
نواف:العفو..تامريني بشي
إحساس:سلامتك
نواف:الله يسلمج..مع السلامة
إحساس:مع السلامة

سكرت والفرحة في عيونها ... وبعدها كل واحد فيهم راح ينام بس "نواف" قبل ما ينام فكر يقول لها أنه يبي يتزوجها ونوى انه يعزمها على مطعم وقال في باله بكره الصبح بقول لها بس بتصدقني؟ مستحيل تصدق بتقول شدعوه أسبوع ويبيني !!لا لا مب على كيفها انا ابيها يعني ابيها.

وجه اليوم الثاني وأتصل عليها <<ما صدق خذ الرقم





رن تليفون "إحساس"

إحساس:الو
نواف:مرحبا
إحساس: مرحبتين
نواف: شخبارج؟؟
إحساس:الحمد لله..وأنت عساك بخير
نواف:الحمد لله..خذيتي دواج
إحساس: أشوي وباخذه
نواف: لا الحين موعده روحي خذيها وتعالي
إحساس: أوكي دقيقة

راحت "إحساس" وخذت دواها ورجعت

إحساس: ألو
نواف: بالشفا إن شاء الله
إحساس:تسلم
نواف: عندي شي أبي أقوله
إحساس:تفضل!
نواف:أبي أشوفج في مكان عندي ابيج في موضوع
إحساس: أممممم أوكي مو مشكله وين والساعة كم؟؟
نواف: متى تقدرين؟
إحساس:الساعة 7:00
نواف: أوكي ..في مطعم ورد الجوري
إحساس:خلاص أوكي بإذن الله بكون موجودة
نواف:أوكي
إحساس: سكر الحين مايصير تكلمني وانت تسوق

استانس "نواف" يوم حس إنها خايفه عليه.
إحساس: ألو..ألو..نواف!!

وأول ما سمع أسمة حس انه ضيع ويقول يازين أسمي على لسانها

نواف: ها!! هلا .. هلا
إحساس:شفيك؟؟
نواف: ولاشي سوري مع السلامة
إحساس:؟؟!!أوكي مع السلامة

إحساس ونواف3


راح "نواف" الدوام و"إحساس" ما خذه إجازة لأنها تعبانه ..... ومر الوقت وهي تفكر في الموضوع اللي نواف يـبيها فيه وكلمت رفيجتها "مشاعر"وقالت لها على اللي صار..
قالت مشاعر : من قدج روحي روحي شكله حبج
إحساس:لا شدعوه ماظن
مشاعر:أنا بستأذن من الشغل وبمر عليج وبشوف لج شي حلو تلبسينه اليوم
إحساس:أوكي

سكرت ووصلت في ربع ساعة طقت الجرس وطلت "إحساس" من العدسة وشافت "مشاعر" وقالت ما شاء الله عليها ..

فتحت الباب وتوها تبي تسلم ما عطتها فرصة وسلمت عليها بسرعه وقالت لها امشي امشي غرفتج خلني
أشوف لج شي حلو حق اليوم

و"إحساس" تقول أخر شي بيسألني ليش ما ترجعين حق هلج

مشاعر: أقول شرايج في هالفستان حلو صح؟؟
إحساس:من صجج أنتي لا لا مراح البس هالفستان
مشاعر:لا مو على كيفج غصبا عنج بتلبسينة مع هالكعب
إحساس:لا مشاعر عن السخافة بلبس لبس عادي
مشاعر:يعني مثل شنو؟
إحساس:شدراني بس شنو فستان رايحة خطوبه وانا مادري
مشاعر: إحساس بسطرج شنو هالغباء بتلبسين الفستان يعني بتلبسين
إحساس:أمري لله

وباستها "مشاعر" وقالت فديت اللي تسمع كلام صديقتها

إحساس:لا مو صديقتي
مشاعر:شنو!!
إحساس:أنتي أختي
مشاعر:فديت عيونج..خرعتيني
إحساس:والله إنج أكثر من أخت
مشاعر:أنا هلج كلهم يا بعد عمري أنتي
إحساس:فديتج والله

وخذتهم السوالف لين ما صارت الساعة6

مشاعر:المهم خلينا من السوالف من مساع نقرقر تعالي بسوي لج شعرج شوفي الساعة كم صارت 6:00
إحساس:شدعوه تو الناس
مشاعر:تعالي أقول أنا خبيرة تصفيف الشعر يلا..

وسحبت إحساس من يدها

إحساس:ههههههههه

وسوت لها شعرها وخلتها تلبس الطقم اللي اختارته لها وبعد ما جهزت راحت المطعم ولقت "نواف" ينتظرها
وأول ما شافها بغى يذوب

بس الحمد لله كان الجو بارد


نواف: تو ما نور المكان
إحساس:منور بوجود اللي فيه
نواف: ما شاء الله عليج الله يحفظج طالعه قمر
انحرجت إحساس وخدودها صارت حمرا:تسلم
نواف:^_^ شنو تحبين تشربين
إحساس: عادي أي شي
نواف:أوكي..لو سمحت!!
النادل:تفضل
نواف: بغيت 2ملك شيك فراولة
النادل:ماشي.,.أشي تاني؟
نواف:مشكور

بعد ما طلب "نواف"قعد يتأمل في "إحساس"ف ارتبكت لأنها ما تحب احد يتأمل فيها

إحساس:أ....أ...أ شنو الموضوع اللي تبيني فيه؟؟
نواف: إذا جابوا الطلب بقولج
إحساس: أوكي

و"نواف" يتأمل فيها و"إحساس" تقول في قلبها إذا الحين يطالعني عيني عينك ويتأمل شنو كان يسوي
يوم كنت مرقدة بالمستشفى

إحساس:شخبار أمك
نواف:طيبة..تسلمين على السؤال
إحساس: العفو..أمك بمثابة أمي
نواف:طبعا بمثابة أمج^_^
إحساس:^_^



جاري التأمل...<<نواف يتأمل فيها

جه الطلب "وإحساس" متشوقة تبي تعرف السالفة "ومشاعر" مللتها من كثر ما طرش لها مسجات تبي تعرف شنو اللي صار..وشنو الموضوع

و"نواف"مرتبك خايف إنها ترفضه

فقال نواف: "إحساس"الموضوع اللي أبيج فيه يخصني ويخصج

"إحساس" شكت في الموضوع وقالت: تفضل قول
نواف:زاد فضلج..أنا...أنا
إحساس: !!قول عادي
نواف:خايف ترفضين طلبي
إحساس:قول وما عليك!!
نواف:أبيج لي أنا..زوجة على سنة الله ورسوله
إحساس قلبها طاح أول ما عرفت وقالت:أ .. أ ما دري شقول لك
نواف: تكفين لا ترفضيني..وربي أنا حبيتج وأنتي اللي طول عمري حلمت فيها
إحساس: ممكن تعذرني دقيقه بروح الحمام
نواف:.....
نواف:تفضلي



راحت "إحساس"الحمام و "نواف"مقهور يبي يعرف شنو ردها وفي
نفس الوقت حس انها ماتبيه ..

أول ما دخلت "إحساس" الحمام طلعت جوالها من شنطتها إلا تشوف "مشاعر" تتصل

إحساس:ألو
مشاعر:ها شــ اللي صار بشريني
إحساس:يبي يتزوجني
مشاعر:صج وناسه الف الف الف مبروك
إحساس:على شنو!!ما وافقت
مشاعر:حد يرفض "نواف" أخلاق وأدب وأسلوب وتعامل وجمال
إحساس:مشاعر أنتي تدرين إن فيني حاله نفسيه شلون أتزوجه؟؟
مشاعر:وأنتي تدرين انه بيسعدج وأنتي محتاجه حياه سعيدة عشان تصيرين أحسن
إحساس:مشاعر وربي ما دري شسوي
مشاعر:أنتي حبيتيه تبينه؟؟
إحساس:...أي .. بس مآبي أعذبه معاي اخاف كل مره يغمى علي
ولا يصير فيني مثل كل مره
مشاعر:بسطرج شنو تعذبينه!!وافقي صدقيني حبج وأنتي بعد تحبينه؟؟شقلتي؟؟؟
إحساس:...أنا موافقة
مشاعر:هذا الكلام ..كلللللولش
إحساس:بس عاد
مشاعر:يلا روحي قولي له
إحساس:أوكي مع السلامة
مشاعر:موووووح مع السلامة

وسكرت

وقبل ما تطلع "أحساس" من الحمام خذت نفس عميق وتوكلت على الله وأول ما طلعت شافت "نواف" يطالعها وأول ما وصلت عنده قعدت

وقال نواف:ها شقلتي؟؟
إحساس:م.. مو..موافقة
بغى يطير من الفرحة وقال أخيرا بتكونين لي أخير

إحساس:بس لازم أخوي فيصل يوافق عليك ولازم تخطبني رسمي منه
نواف:اي طبعا شي اكيد
إحساس :أمك موافقة علي؟؟
نواف: بقول لها اليوم وإذا تبين الحين أكلمها قدامج أنا ولدها الوحيد وأكيد تبيني أعيش مستانس مع اللي أتمناها
إحساس:خلاص إذا رجعت البيت قول لها كل شي عني وإذا وافقت بنتزوج وإذا ما وافقت ما ألومها
نواف:إحساس شنو هالكلام؟؟
إحساس:.....أوكي أنا تأخرت أستأذن ..إذا وافقت كلمني وإذا ما وافقت لا تتصل وأنا ب فهم
نواف:تو الناس ما قعدنا مع بعض ولاتعشيتي؟
إحساس:بكره عندي دوام وبعدين الساعة8:00ماقدر أطول أكثر
نواف:أوكي ..تبين أوصلج
إحساس:لا مشكور بروح أنا سيارتي موجوده
نواف:أوكي تحملي بعمرج وانتظري اتصالي
إحساس :إن شاء الله

راحت "إحساس" بيتها



وكلمت "مشاعر" وقالت لها على كل اللي صار

دفع "نواف"الحساب وراح بيته وهو مستانس يقط المفاتيح في صوب وأغراضه في صوب وباس رأس أمه

وأمه تقوله:خير يا ولدي شفيك مستانس؟
نواف:أنا مستانس شوي بس إذا وافقتي على الموضوع اللي بكلمج فيه بطير من الفرح..
أمه:الله يستر منك أنت وسوالفك يلا قول؟؟
نواف:أحم أحم ..فكرت أتزوج ولقيت اللي أبيها..
أمه:هذي الساعة المباركة اللي أشوفك فيها معرس؟بس منهي سعيدة الحظ؟
نواف:أبي إحساس يمه
أمه:!!إحساس ما غيرها..اللي قلت لي إنك وديتها المستشفى ؟؟
نواف:أي يمه هذي اللي تمنيتها وأبيها
أمه:إذا تبيها ماعندي مانع بس ماتقول فيها حاله نفسيه؟
نواف:لا بتروح تييها بس إذا سمعت خبر مو حلو
امه:زين كلمني عنها؟

وقال لها "نواف" كل شي وبعدها قالت

أمه:شلون بنخطبها وأهلها مو معاها؟؟
نواف:هي موافقة..وأنا قلت لج أهلها شلون يعاملونها وبعدين اخوها
موجود أنا بكلمه وإن شاء الله بيوافق
أمه:هي موافقة!!
نواف:قالت لي إذا أمك وافقت علي أنا موافقة..وأنتي يا يمه يا حبيبتي أكيد بتوافقيين
أمه:والله إنها بنت أصول..دامك تبيها يا ولدي أنا موافقة والأهم إنها خلوقة ومؤدبة وتخاف ربها.
نواف:أحلى الصفات فيها يمه...فديتج والله



وباس رأس أمه وراح يكلم "إحساس" اللي قاعدة تنتظره على نار

مشكوووووووووووووووووووووووووورة أختي على الرواية
]فيها تكملة ؟؟؟؟؟؟؟؟؟؟؟؟؟

اي فديتج في تكملة

^_^

نورتي

دمتِ بود

الروايه حلوه مره بس اسمحيلي اقول فيها اشوي شي مو معقول يعني انه يضمها
اسمحيلي على تعليقي هذا
واتمنى اتكملين الروايه

امممممم

احترم رايك

بس لو قريت اول شي

انا قلت ان الراويه من وحي الخيال

^_^

نورت اخوي

دمت بود

إحساس ونواف4

تررن تررن

إحساس: الو
نواف: أحبج..

إحساس ويها صار أحمر

نواف: مبروك عليج أنا
إحساس: هههه ومبروك عليك أنا
نواف: فديت عيونج..زين متى تبين العرس وشنهي شروطج ؟ أمري تدللي
إحساس: شفيك مستعيل؟؟أول شي لازم تكلم أخوي فيصل
نواف: أبي العرس ب أقرب وقت
إحساس: براحتك حدد متى تبيه يكون وقولي وبشوف إذا مناسب
أو لا وشروطي إنك ما طوف صلاة وما تحرمني من شي
نواف: بس!!!!
إحساس: أمممم لا لا عندي بعد
نواف: وبعد أمري تدللي
إحساس:عطني أمك أبي اكلمها
نواف:دقايق
أم نواف:هلا يا بنيتي
إحساس:هلا يمه شخبارج؟؟
أم نواف:بخير..عساج طيبة؟
إحساس:بخير دامج بخير
أم نواف:تسلمين
إحساس:يمه أنا شرطي انج تسكنين وياي أنا ونواف لي تزوجنا
أم نواف:يا بنيتي يا إحساس ما آبي أضايقكم أبيكم تستانسون وبعدين عندي الخدامة وتشوفني شنو آبي وهذا بيت المرحوم "أبو نواف" ريحته فيه ما أقدر أفارقه
إحساس:والله ما دري شقول لج ..خلاص بنمللج كل يوم بنكون عندج
أم نواف:البيت بيتكم يا إحساس أي وقت حياكم الله
إحساس:ما عليج زود يمه
أم نواف:ما ألوم ولدي يوم أختارج ..وأسمعي أي شي تبينه أحنا حاضرين..وبكره إن شاء الله بجي أنا ونواف عشان أشوفج الساعة 5:30
إحساس:تسلمين يمه وحياج الله
أم نواف: هاج نواف يبي يكلمج
إحساس:أوكي

نواف:هلا حياتي
إحساس:أهلين
نواف:شرايج في أمي
إحساس:عسا الله يطول لك بعمرها
نواف:فديتج والله
إحساس:عيل بكرة بتجي أنت وأمك
نواف:أي جهزي عمرج
إحساس:إن شاء الله وأنا بكلم أخوي فيصل وأقول له
نواف:الحين روحي نامي عشان دوامج وبكرة بكلمج
إحساس:أوكي..تصبح على خير
نواف:وأنتي من هله

طبعا "نواف" ماجه له نوم لانه طاير من الفرحة ويفكر في "إحساس"ويتخيل شكلها وهي عروس وبتكون له
أما "إحساس"مستانسه وفكرت ومو مصدقه إنها بتكون زوجته
وهم يتخيلون بعض غمضوا عيونهم وناموا

وفي اليوم الثاني

قامت "إحساس" عشان دوامها ونفس الشي "نواف" وكل واحد فيهم راح دوامه وهو يفكر في الثاني وطرش "نواف" رسالة لإحساس يصبح عليها

{صباح الورد والياسمين.}
ردت عليه
{صباح النور والسرور}

وبعد ما خلص الدوام


رجعت إحساس البيت ورجعت معاها مشاعر عشان تكون معاها لما يجي نواف وامه


تررن تررن

فيصل:مرحبا!!
إحساس:السلام عليكم ورحمة الله وبركاته
فيصل:وعليكم السلام ورحمة الله وبركاته
إحساس:عرفتني؟؟
فيصل:وهل يخفى صوت العصفور الجميل؟؟إحساس طبعا
إحساس:^_^ هههههه شنو هالجملة الجديدة؟؟
فيصل:أكيد بنخترع لجل عيون اختي فديتها
إحساس:فديتك والله..شخبارك وشخبار أمي وأختي؟؟
فيصل:والله أنج طيبه هذاهم على حالهم وأنا بخير عايش
إحساس:الله يهديهم ..وشمسوي مع دراستك؟؟
فيصل:ترا أنا طلعت من البيت رحت أعيش في شقة بروحي مليت منهم تقولين رايا وسكينه ازورهم احيانا أما دراستي هذي اخر سنه
إحساس:فيصل مهما كان هذي امنا وهذي اختنا مو عدلة تقول عنهم جي ..وصج افترقنا ..
فيصل:حسافة أمنا جي
إحساس:فيصل!!
فيصل:خلاص أوكي
إحساس:دراستك قادر عليها يعني صعب ولا شنو؟
فيصل:لا الحمدلله كل شي سهل بس يبيله دراسة
إحساس:شد حيلك والله يوفقك
فيصل:ان شاء الله إلا وينج مختفيه ماتتصلين حق اخوج ولاشي
إحساس:الظروف والله أنا مشتاقة لك ودي اسولف وياك وأبيك بعد في موضوع شرايك تجيني
فيصل:خلاص بكرة إن شاء الله بجي لج
إحساس:وليش بكرة تعالي الحين أنا ساكنة بعد الدوار اللي فيه نافورة شارع6في العمارة اللي كلها قزاز (زجاج) الطابق الأول رقم شقتي2 اوكي
فيصل:خلاص أوكي يلا جاي لج الحين
إحساس:انتظرك تحمل الطريق مع السلامة
فيصل : من عيوني مع السلامة

أستناست "إحساس"

إحساس:أسمعي بتقعدين ويانا فاهمة
مشاعر:ههههههاي أحلمي
إحساس:أفا والله ..
مشاعر:إلا زعلج اوكي

مشاعر:أخوج كم عمره
إحساس:23 يعني هو أكبر منج بسنة
مشاعر:أها اي صح...شنو شنو شدخل الفرق بينا مع الويه
إحساس:يه شقلت أنا هههههههههههههه عصبت عصبت


خذت"مشاعر" المخده وقطتها على "إحساس"

وإلا يرن الجرس

إحساس:أخوي فيصل جه

وتركض صوب الباب وتفتحه وتشوف "فيصل" وتضمة وتقوله:تغيرت يالدب
فيصل:هههههههه لا أنتي اللي على حالج
إحساس:هههههههههه زين ادخل أدخل حياك
...............هذي رفيجتي مشاعر

سلمت مشاعر عليه بيدها وقعدوا

وأنتي يامشاعر طبعا عارفه أخوي فيصل من كثر ماسولف لج عنه

مشاعر:طبعا ^_^

أقعدوا يسالفون وتقوله "إحساس"باللي صار معاها لين ماوصلو لموضوع الزواج وقالت له كل شي

عصب.... وقال شلون تقررين كل شي بدون ماتقولين لي وعناد هالزواج مراح يتم وأن تم بيصير شي عمركم

ماشفتوه وأنا عند كلمتي مراح يتم يعني مراح يتم.

حاولت "إحساس"و"مشاعر"إنهم يهدونه ويكلمونه شوي شوي
وفجأة طلعت منه ضحكة قوية عيونه دمعت وبطنه عورة من الضحكة

أستغربت "مشاعر" و"إحساس"
وسألت مشاعر أحساس:شفيه أخوج يضحك؟؟
إحساس:مادري؟؟!!

وسألته إحساس وقال:أ..أ..ههههههههههههههههههههههههههههههههههههههه ههههههههههه
أضحك......هههههههههه عليج بغيتي تصيحين يوم رفضت وعلى رفيجتج مشاعر وهي تهديني وانا مسوي عمري معصب ههههههههههههههههههههههههههههههههههههههههه شكلكم يضحك ههههههههههههههههههههههه

قامت "إحساس"وقرصت "فيصل" قرصه مابعدها قرصه وقالت له:أنت ماتيوز عن هالحركات
قال:زين عورتي يدي فديتها خخخ وأنتي ماتيوزين عن هالقرص اللي يذبح
مشاعر:هههههههههههههههههه
إحساس:هههههههه
فيصل:ههههههههههههههه...ترا أنا موافق عليه دامج تبينه وهذا أهم شي ومن كلامج شكله انسان محترم
إحساس:فديت أخوي والله ^_* انزين هم بييون اليوم الساع خمس خلك معاي عشان تتفاهم وياه اوكي
فيصل:من عيوني بس بروح اكشخ وارجع اوكي؟
مشاعر:وجي مب كاشخ
فيصل:ههه لا لا مب شي
مشاعر:ههههه
إحساس:ههه اوكي لاتتأخر



ومر الوقت وأجهزت"إحساس " وكلمت "مشاعر" عشان تكون وياها و
صارت الساعة 5:20 أتصل "نواف" وقال لها أحنا في الطريق
قالت له:أنا جاهزة وأنتظركم مع مشاعر وأخوي
نواف:أوكي ..مع السلامة

وبعد ما وصلوا شقة "إحساس"


فتح الباب فيصل ورحب فيهم
رحبت فيهم هي ومشاعر وباست "إحساس"رأس أم نواف ونفس الشي مشاعر" وبعد ما قعدت

قالت أمه:ماشاء الله تبارك الرحمن والله وعرفت تختار
نواف:وهذا أخوها فيصل
أمه:^_^ ماشاءالله عليه
نواف:ههههه /وهذي صديقتها مشاعر
أمه:ماشاء الله عليها الله يحفظهم
فيصل:شرايك نقعد انا وانت بروحنا<<في الصالة الصغيره عشان يتفقون على كل شي

وراح هو ونواف

إحساس:يمه شخبارج عساج طيبة ^_^
أم نواف:بخير يابنيتي أنتي شمسويه؟؟
إحساس:أنا بخير دامج بخير
أم نواف:الحمد لله
إحساس:سويت لج قهوة مخصوصة عشانج بس يارب تعجبج
أم نواف:إن شاء الله



وصبت لها القهوة


قالت أم نواف:

أم نواف:زينة القهوة عرفتي تسوينها
إحساس:تسلمين

أم نواف: ترا ولدي يبي العرس بعد شهر وإذا تبين خطوبة قولي لا تستحين
إحساس:إذا كل شي جهز قبل شهر مو مشكله ومآبي خطوبه خساير على الفاضي احسن عرس على طول
أم نواف:عاد من بكرة تبدون تجهزون أعماركم
أم نواف:يلا يا ولدي نمشي الحين
إحساس:الحين اكيد هم يالسين يتفقون على كل شي

وطلع نواف وفيصل من الصاله

وهم مستانسين بعد ماتفقوا على كل شي

نواف:خلاص عيل أنا أستأذن الحين
فيصل:حياك الله
نواف:مع السلامة

وبعد ما راحوا

"إحساس" طارت فوق السحاب من الفرح و"مشاعر" تقول لها :مبرووووووووك تستاهلين
وبارك لها فيصل وقال لها كل شي بالتفصيل


وبعد ما ركبوا السيارة أم نواف تقول لنواف:عرفت تختار يا ولدي مشاء الله عليها البنت مبين عليها الأدب والأخلاق وماشاء الله عليها مزيونه

نواف:أحم أحم شفتي ذوقي
أم نواف:الله يسعدك يا ولدي ويحفظك ويهنيك وياها
نواف:الله لا يحرمني منج ولا من دعاويج يا أحلى أم في الدنيا
أم نواف:ههههه

وبعدها في اليوم الثاني

إحساس ونواف 5

العصراتصل فيصل

وقال: مرحبا احساس شخبارج
إحساس :بخير وأنت؟
فيصل:تمام.. شوفي قولي حق نواف يجهز عمره عالساعة 7 عازمكم كلكم على العشا في أفخم مطعم عشان
هالمناسبة الحلوة وخل يعطيج الخاتم هناك
إحساس( وهي مستانسه):أوكي


وقالت لنواف وقال أنه بيجي ..أما "مشاعر" استأذنت عشان أمها وحاولت معاها "إحساس" بس ما في فايدة
وراحت "مشاعر"وجه "نواف"وسلم على "فيصل"وراحوا المطعم وطلبوا العشا وتعرف "نواف" على "فيصل" أكثر
وسالفوا وبعدها فتح"نواف" لـ"إحساس" علبه الخاتم وطلع الخاتم



إحساس: واو روعة
فيصل:عندك ذوق ههههه
نواف:أكيد يالنسيب
إحساس:هههه عقبالك يا فيصل
فيصل:أمييييييييييييييييييييين هههههههههههههه
إحساس:ههههههههههههههههههه
نواف:ههههههههههههههههه

وبعد ما سالفوا وتعشوا وأستانسوا رجع كل واحد بيته .. وطبعا "فيصل" أتفق مع "إحساس" إنهم ما يقولون
حق أمهم ولا أختهم.

وفي اليوم الثاني

وبعدها في اليوم الثاني

أتصل "نواف" لإحساس الساعة 3:30م
إحساس:ألو
نواف:مرحبا
إحساس:مرحبتين
نواف:شخبارج؟
إحساس:بخير وأنت أخبارك؟
نواف:تمام دامي سمعت صوتج
إحساس:دوم يارب
نواف:مهرج وصل لج
إحساس :لا... زين نقص منه شوي 150 وايد؟؟
نواف(عبط على تهديد):إذا حنيتي بزيد صدقيني!!
إحساس:!!!!خلاص لا تنقص منه أبيه ..أبيه كله
نواف(يضحك):أي كوني جذي
إحساس:ههه أوكي ..ترا مشاعر بتجيني بعد شوي وبنروح السوق عشان أغراض العرس
نواف:أوكي..سمعيني فستان العرس سويه تفصيل غير عن المعروض عندهم أبي فستانج غير عن كل الفساتين
إحساس:ههههههه من عيوني


((بيب بيب))

إحساس:نواف أنا بسكر الحين مشاعر جات أدق هرن وتتصل على جوالي
نواف:أوكي يا بعد عمري تحملي بروحج وأول ما يوصل الشيك كلميني
إحساس:في أحد يدق الباب دقيقه

فتحت الباب وطلع اللي مطرشه نواف عشان يعطي إحساس مهرها

خذته وراحت تكلم نواف

إحساس:ألو الشيك وصل
نواف:أوكي يلا روحي الحين ومثل ما قلت لج
إحساس :إن شاء الله

راحت إحساس حق مشاعر وإلا تقول لها سنة لين ما تنزلين
إحساس:أسفه كنت أكلم نواف:

وتموا يسالفون

لين ما وصلوا

مشاعر:يلا وصلنا انزلي
إحساس:يعني بقعد هههههه
مشاعر:ههههههه

وراحوا شافوا فساتين وخذوا من كل فستان فكره وفصلوا فستان العرس
وقال لهم المصمم:بعد أسبوع بيخلص
ووافقوا واشترت إحساس كعب حق الفستان واحجزوا ممكيجة ومصففة شعر ونفس الوقت أشترت مشاعر
فستان حق العرس و و و ..الخ..


وبعدها أتصل نواف على "إحساس "

نواف:ألو
إحساس:هلا
نواف:شخبارج شسويتي خلصتي أغراضج
إحساس:الحمد لله خلصت كل شي
نواف:زين..شريت لج شبكة خيااااال بس إن شاء الله تعجبج ولقيت بيت حلو وكبير والدفع
أقصاد أبيج تشوفيه وإذا عجبج بحجزه
إحساس:عمر...عمري
نواف:فديت الكلمة والله
إحساس:خلني أكمل
نواف:فديتج كملي
إحساس: اللي يعجبك يعجبني توكل على الله بس إذا تبي تصبر يمكن تلقى أحلى أصبر

نواف:فديت كلامج والله خلاص بحجزها ..ما فيني صبر
إحساس:ههه أوكي
نواف:وبكرة إن شاء الله بروح أشوف قاعة قالي عليها واحد من ربعي
إحساس:خلاص أوكي إذا عجبتك أحجزها
نواف:أوكي...يلا أخليج الحين عشان أحجز البيت
إحساس:أوكي..تحمل بعمرك
نواف:من عيوني
إحساس:تسلم لي عيونك مع السلامة
نواف:مع السلامة

مشاعر: الله الله هههههههه
إحساس:هههههه
مشاعر:يلا على وين الحين
إحساس:وديني شقتي وانزلي معاي
مشاعر: لا لا لا أمي في البيت مع أخوي الصغير وما آبي أتأخر عليها بتحاتيني وبعدين آبي اقعد
ادرس أخوي بكره عنده امتحان
إحساس:ليت أمي تحاتيني مثل أمج وتحبني الله يخليها لج
مشاعر:فديتج والله أنج غالية على أمي وعلى أنا وترا أمي اعزج يالدوبه
إحساس:فديتج أنتي وأمج عسى الله يخليكم لي

وبعد مرور أسبوع...


خلص الفستان وراحت "إحساس" مع "مشاعر" وقاست الفستان والحمد لله طلع مضبوط
واتصلت حق "نواف" وبشتره أنه حلو وقالت له :مراح أراويك أياه خله مفاجأة ليوم العرس
نواف:اللي تبينه يا عيون "نواف"........................
إحساس:أنزين أنا أبي أستقيل من الشغل العرس قرب وأصلا خلاص أبي أفضى لك وأكون زوجة مثاليه ^_^
نواف:براحتج بس إذا تبين تشتغلين ما عندي مانع
إحساس:لا بستقيل عشان راحتك أوكي
نواف:فديت اللي تبي راحتي..أوكي أستقيلي ووعد مني ما اقصر معاج بشي واللي في جيبي مايغلى عليج
إحساس:الله لا يحرمني منك

_________________________

واليوم اللي بعده راح "نواف وإحساس" عشان يختارون ديكور ..والحمد لله اختاروا ديكور البيت كله وأشتروه
وقالوا لهم العمال كل شي بيوصل بكرة الصبح بإذن الله

(((وبعد مرور شهر حان وقت الزفاف)))



<<إحساس بفستان العرس



<<مشاعر في عرس احساس


الفرحة مو سايعة "نواف"وإحساس" وطبعا أجهزوا ..وصار عرس خيالي وكان الكل مستانس عشانهم

وبعد ما خلص العرس اليوم الثاني الصبح راحوا شهر العسل في جزر المالديف وقضوا شهر من أحلى أشهر حياتهم ..وأرجعوا .. وبعدها زارهتم"أم نواف" واليوم اللي بعده "فيصل" واليوم اللي بعد"مشاعر" ورفيجات "إحساس" وأهل "نواف"

وبعد 3 سنين

طلعت "إحساس" ماتجيب عيال يعني فيها عقم حزنت وقالت حق "نواف" وهي حزينه

قال لها:مو مهم أهم شي عندي إني مرتاح وياج وابيج ومابي غيرج وماهموني العيال جو حياهم ماجو قدر ومكتوب
إحساس:^_^ فديتك بس هذا مراح يمنع أني اتعالج
نواف:أكيد ياقلبي

وما أثر العقم في زواجهم وعاشوا في سعاده وكل يوم حب "إحساس" له يزيد وحبه لها يزيد،

وفي يوم من الأيام رجع نواف من الدوام تعبان لأن دوامه كان لي بليل راح ينام على طول و"إحساس" طبعا منتظرته فراح ينام وهي قاعده تتأمل فيه هو أستغرب ومسوي عمره نايم وبعدها شاف إحساس قامت شوي شوي من الكرسي وقربت منه وشافته نايم ماتدري انه حاس فيها وجات حذاه وحطت راسها على صدره ونامت أبتسم وطالعها إلا هي نايمه ..وعرف إنها تعودت تنام في حضنه وماتقدر تنام بدونه لأنها تعودت من بدايه زواجهم..

وفي اليوم الثاني..جه "فيصل" لإحساس وقعدوا يسالفون وطلبت منه إنه يقول حق أمها وأختها إنها متزوجه يمكن يكونون تغيروا حاول معاها "فيصل" إنها تشل هالفكره وقال لها مو لازم يعروفون لأنهم ماتغيروا لكن هي مصرة على قرارها وماقدر يقول شي لها ووافق

وراح لأمه وأخته يبلغهم إن إحساس متزوجه وبدت الأفكار الشريرة تدور في راسهم إلين ماوصلوا لخطة تهدم حياة "إحساس" وفي يوم طلبت "أشواك" من "فيصل" عنوان "إحساس" على إنها تبي تزورها وتشوف أخبارها والمسكين صدق إن أخته تغيرت وعطاها العنوان وفعلا راحت لإحساس البيت وسلمت عليها وكانت في قمة الأدب وياها والطيبه وبينت لها انها تحبها وانها ندمانه على الايام اللي راحت ..وإحساس صدقت وقعدوا يسالفون وبين السوالف قالت أشواك:سمعت إن فيج عقم وأنج تتعالجين الحين ان شاء الله نفع العلاج
إحساس:مادري والله اليوم بروح أشوف التحاليل ان شاء الله أكون حامل
أشواك:خلنا نروح الحين نشوف ويا بعض احسن
إحساس:أوكي يلا

وراحوا مع بعض المستشفى وشافوا التحاليل وطلعت "إحساس"حامل أول ماعرفت عيونها دمعت من الفرحه مو مصدقه وأختها أشواك تقول في قلبها خطتي انا وامي بتشمي زين مازين يا إحساس ههه اراويج بس
وباركت لها وسوت عمرها مستانسه عشانها وقالت لها :أسمعي لاتقولين لنواف أنج حامل
إحساس:ليش يعني؟
أشواك:خليها مفاجأه لي رجع البيت لي تغديتوا قولي له بطريقه تخوف وعقب لما يعرف بيستانس صدقيني
إحساس:هههه أوكي بسوي هالحركه
وهم رايحين السيارة كانت "إحساس" مشغوله وتشوف التحاليل

فقالت لها أشواك:شنو نوع جوالج ابي اشوفه
إحساس:بطلي شنطتي وأخذيه
وخدته أشواك وقعدت تفتش في الارقام وقالت وي طلع لي هذي شنو "عشقي"
إحساس: هذي نواف طلعي ههه
أشواك :أوكي

وسجلت "أشواك" رقم "نواف" عندها

وعطتها الجوال وقالت:لا حلو جوالج حتى استخدامه
إحساس:تسلمين^_^
أشواك:المهم هذا بيتج أنا بروح الحين أوكي
إحساس: وين تو الناس
أشواك:لا وحده من رفيجاتي تبيني
إحساس:اها اوكي تحملي بعمرج
أشواك:أوكي وانتي لاتنسين اللي قلت لج عنه لاتقولين له الحين ها
إحساس:هههه ولا بنسى أخرعه وانا اقول

ودخلت بيتها وتمت اطالع الساعه وتنتظر الوقت اللي بيرجع فيه"نواف"

وماتدري باللي بتسويه أختها فيها والخطه اللي مجهزتها لها

راحت أشواك واتفقت مع واحد على انه يسوي الخطه اللي قالت له عليها وبتعطيه المبلغ اللي يبيه ووافق

فــ أتصلت على نواف واللي اتفقت معاه وياها ..

وقالت..

أنا وحده والله يستر علي بس يقولك ترا مرتك إحساس خاينه وهي كانت تاخذ حبوب منع حمل عشان ماتحمل منك لأنها ماتحبك وتحب واحد غيرك وهي الحين حامل منه وانا اعرفها واعرفه واعرف قصة الحب اللي بينهم
نواف:انتي من وشقاعده تقولين؟؟؟وبعدين انا اعرف مرتي عدل انتي فاهمه
أشواك:اذا مو مصدقني حبيبها معاي وبيكلمك وبيقولك اللي عنده
اللي اتفقت معاه:الو اي نعم انا حبيبها واللي في بطنها ولدي وياليت اطلقها بسكات لأن انا وياها نحب بعض وبنتزوج وهي بتطلب منك الطلاق اليوم فطلقها بهدوء

دمعت عيون نواف والقهر كله احتواه في هاللحظة مو مصدق ان اللي حبها وعاش اجمل ايام حياته معاها خاينه..وسكر الخط


قعد "نواف" في مكتبه وهو مصدوم الكل يشوف حالته فجأه تغير...وبعد ما خلص الدوام رجع "نواف" البيت وأول ماشافت "إحساس"سيارته من الدريشه أستانست وراحت بسرعه صوب الباب...أ



ول مادخل ضمته وقالت:
وحشتني...
نواف:حتى أنتي وحشتيني...
إحساس:روح غير ملابسك وغسل يدك وويهك وريلك وتعال
نواف:إن شاء الله
وراح "نواف" يبدل ويتغسل



وهي راحت تجهز الغدا
وبعد ماجهز كل شي وتغدوا حست "إحساس" إن "نواف" فيه شي سألته:نواف فيك شي؟
نواف:لا ابد تعبان من الدوام
إحساس:فديت روحك
ونواف يطالعها ويفكر باللي اتصلت




إحساس:نواف بصراحه انا عندي شي ابي اقوله بس مادري من وين ابدا
نواف:......شنو الشي
إحساس:أنا حامل

ماقدر نواف يتمالك اعصابه وقال بعصبيه

نواف:يعني الكلام اللي سمعته صحيح
إحساس:اي كلام
نواف:إنج حامل
إحساس:اي صحيح<<<هي طبعا مستغربه ومافهمت منه اي كلام يقصد على بالها الحمل